Վրաստանի քաղաքացիները դիմում են Վրաստանի՝ պահանջելով, որ 2026-2027 ուսումնական տարվա նման, բացառություն նախատեսվի նաև 2027-2028 ուսումնական տարվա համար և 1-ին դասարանում գրանցվելու հնարավորություն տրվի նաև 6 տարին չլրացած երեխաներին:
Բացառության համաձայն՝ նշված ժամանակահատվածում ծնված երեխաները առաջին դասարանում ուսումը սկսել կարող էին ծնողի որոշմամբ՝ կամավոր հիմունքներով: Ծնողներն իշխանություններին առաջարկում են նաև այլընտրանքային լուծում՝ երեխայի ընդունելությունը նրա դպրոցական պատրաստվածության անհատական գնահատման հիման վրա:
Այս նույն հարցով ծնողները գրավոր դիմել են Վրաստանի վարչապետ Իրակլի Կոբախիձեին, Կրթության, գիտության և երիտասարդության նախարար Գիվի Միքանաձեին, Վրաստանի խորհրդարանի Կրթության, գիտության և երիտասարդության հարցերով հանձնաժողովի նախագահ Մարիամ Լաշխին և Վրաստանի ժողովրդական պաշտպան Լևան Իոսելիանիին: Նախարարությունից նրանք պահանջել են նաև հանրային տեղեկատվություն: Ծնողները ցանկանում են պարզել, թե որ հետազոտությանն է հիմնված օրենքի փոփոխությունը և ինչ բացասական հետևանքներ է ի հայտ բերել պետությունը փոփոխությունից առաջ գործող կանոնի կիրառման ժամանակահատվածում:
Վերոնշյալից ելնելով՝ ծնողները պահանջում են.
1. «Հանրակրթության մասին» Վրաստանի օրենքում 2027/2028 ուսումնական տարվա համար պահպանվի «բացառության կանոնը», որը 2021 թվականի սեպտեմբերի 16-ից դեկտեմբերի 31-ը ներառյալ ծնված երեխաներին հնարավորություն կտա ընդունվել առաջին դասարան.
2. Նշված ընդունելությունն իրականացվի ծնողի/օրինական ներկայացուցչի կամավոր որոշման հիման վրա կամ օրենսդրությամբ սահմանված դպրոցական պատրաստվածության գնահատման օբյեկտիվ մեխանիզմի կիրառմամբ.
3. Ապահովվի կրթական համակարգում հավասար հասանելիության սկզբունքը, որպեսզի տեղի չունենա երեխաների խտրականություն՝ սոցիալական դրության հիման վրա: Պահանջում ենք, որ օրենսդիր մարմինը գործի երեխայի լավագույն շահերի առաջնահերթության սկզբունքով և թույլ չտա ձևական կարգավորումներով երեխաների սահմանադրական իրավունքների սահմանափակում», – նշված է պետիցիայում:
2026 թվականի փետրվարի 4-ին Խորհրդարանը փոփոխություն է մտցրել «Հանրակրթության մասին» Վրաստանի օրենքում: Փոփոխության արդյունքում տարրական աստիճանում ուսումը սկսելու տարիքը 6 տարեկանն է, որը անձին լրանում է մինչև սեպտեմբերի 15-ը ներառյալ: Մինչ փոփոխությունը ծնողն իրավունք ուներ դպրոց տանել երեխային, ում 6 տարին լրանում էր մինչև դեկտեմբերի 31-ը ներառյալ: 2026 թվականի ապրիլի 1-ին Խորհրդարանը օրենքին ավելացրեց 63¹² հոդվածը, որով այս իրավունքը մեկանգամյա հիմունքներով պահպանվեց միայն 2026-2027 ուսումնական տարվա համար: 2027-2028 ուսումնական տարվա համար նմանատիպ նորմ օրենսդրությամբ նախատեսված չէ:
