Երեկ՝ սեպտեմբերի 8-ին, Ենթակառուցվածքների նախարարության քաղաքային զարգացման հիմնադրամը երրորդ անգամ հայտարարել է Թբիլիսիի մեծ համերգասրահի (Ֆիլհարմոնիա) վերականգնման մրցույթ: Գնման նախահաշվային արժեքը կազմում է 6.5 միլիոն լարի, ինչը 2 միլիոն լարիով ավելի է նախորդ մրցույթի արժեքից։
Դահլիճի վերականգնման նախորդ մրցույթը ձախողվել էր 2026 թվականի հուլիսին՝ երկու հավակնորդների որակազրկման պատճառով․ այն ժամանակ գնման նախահաշվային արժեքը 4.5 միլիոն լարի էր։
Առաջին անգամ Ֆիլարմոնիայի մեծ համերգասրահի վերականգնման մրցույթը հայտարարվել էր 2025 թվականի սեպտեմբերին, երբ նախագծի նախահաշվային արժեքը կազմում էր 3.8 միլիոն լարի։ Նշված գնումը դադարեցվել էր հենց հիմնադրամի որոշմամբ և կրկին հայտարարվել արդեն բարձրացված գնով։
Նախագծման շրջանակներում պետք է պատրաստվեն վերականգնման նախագիծը, նախահաշվային փաստաթղթերը, շենքի պահպանման ու սպասարկման ուղեցույցը, նաև պետք է իրականացվի հեղինակային հսկողություն։
Նախագծի համաձայն՝ նախատեսվում է բեմական ենթակառուցվածքների թարմացում, ակուստիկ համակարգերի բարելավում, ինժեներական հաղորդակցությունների փոխարինում, վերելակների արդիականացում, անվտանգության համակարգերի տեղադրում և շենքի լիարժեք հարմարեցում հաշմանդամություն ունեցող անձանց համար։
