Խորհրդարանի նախագահ Շալվա Պապուաշվիլին պաշտոնական այցով մեկնել է Ղրղզստան։

Խորհրդարանի փոխանցմամբ՝ այցի շրջանակներում Բիշքեկում նախատեսված են բարձր մակարդակի հանդիպումներ Ղրղզստանի Հանրապետության օրենսդիր և գործադիր իշխանության ներկայացուցիչների հետ։

Վրաստանի և Ղրղզստանի միջև առևտրաշրջանառությունը 2025 թվականին կազմել է 1.5 միլիարդ դոլար, տարեկան աճը կազմում է 16%: Երկու երկրների միջև առևտրաշրջանառության նման աճը սկսվեց Ուկրաինայի պատերազմից հետո, երբ Վրաստանից Ղրղզստան ավտոմեքենաների վերաարտահանում (ռեէքսպորտ) սկսվեց։ Օրինակ՝ 2022 թվականի համեմատ Վրաստան-Ղրղզստան առևտրաշրջանառությունն աճել է 1437%-ով։

Ինչ վերաբերում է ընթացիկ տարվա ցուցանիշին, 2026 թվականի 9 ամիսներին երկու երկրների միջև առևտրաշրջանառությունը 40%-ով նվազել է՝ հասնելով 653 միլիոն դոլարի, որի պատճառը դարձյալ ավտոմեքենաների վերաարտահանման նվազումն է։ Ինչ վերաբերում է արտահանմանը, այստեղից արտահանումը կազմել է 650 միլիոն դոլար․ նախորդ տարվա համապատասխան ժամանակահատվածի համեմատ նվազումը կազմում է 39%: Ինչ վերաբերում է ներմուծմանը, Ղրղզստանից ներմուծումը կազմել է 2.5 միլիոն դոլար, ինչը 2025 թվականի հունվար-սեպտեմբերի համեմատ 32%-ով նվազած ցուցանիշ է։