Մի քանի ամսվա թանկացումից հետո նոյեմբերին կառավարության համար վառելիքը էժանացել է 20-ից 28 տետրիով։ Տեղեկատվությունը տարածում է «Բիզնեսպրեսնյուս» հրատարակությունը՝ հենվելով Պետական գնումների գործակալության հրապարակած կոնսոլիդացված մրցույթի արդյունքների վրա, և գրում, որ ինչպես երևում է հոկտեմբերին կնքված պայմանագրից, կառավարության համար նոյեմբերին (հոկտեմբերի համեմատ) 1 լիտր Սուպեր և Պրեմիում տեսակի բենզինը, Ռեգուլյարը կժամանի 27-28 տետրիով, իսկ դիզելը՝ 20 տետրիով ավելի էժան գնով։

🔻Նրանց փոխանցմամբ՝ կոնսոլիդացված մրցույթի համաձայն, կառավարությունը 1 լիտր Սուպեր տեսակի (օկտանային թիվը 98-ից ոչ պակաս) վառելիքը նոյեմբերին ձեռք կբերի 3.66 լարիով (հոկտեմբերին՝ 3.94 լարի)։ Մրցույթում հաղթող է ճանաչվել «Վիսոլ Պետրոլիում Ջորջիա»-ն։ Ինչ վերաբերում է վառելիքի մյուս տեսակներին, կոնսոլիդացված մրցույթի համաձայն՝ 1 լիտր Պրեմիում տեսակի վառելիքի արժեքը նոյեմբերին կկազմի 3.36 լարի (հոկտեմբերին 3.63 լարի էր), այստեղ հաղթողը «Ռոմպետրոլ Վրաստան»-ն է։ Նույն տվյալների համաձայն՝ Եվրո Ռեգուլյար տեսակի վառելիքը կառավարությունը նոյեմբերին ձեռք կբերի 3.33 լարիով (հոկտեմբերին 3.60 լարի էր), հաղթող ընկերությունը «Սոկար Ջորջիա Պետրոլիում»-ն է։ Ինչ վերաբերում է Եվրոդիզելին (ոչ ավելի, քան PPM 10), գինն առկա դրությամբ մեկ լիտրի համար կազմում է 4.29 լարի (հոկտեմբերին 4.49 լարի էր), մրցույթում հաղթողը «Սան Պետրոլիում Ջորջիա»-ն է։