Այսօրվանից՝ ապրիլի 16-ից, ուժի մեջ է մտնում Վրաստանի կառավարության որոշումը, որն արգելում է ուղևորատար և բեռնատար ինքնաթիռների թռիչքներն Աբասթումանիից 52 կիլոմետր շառավղով։
Պետական մարմինները Վրաստանի ավիացիոն տարածքի մի մասի փակումն այսպես են պատճառաբանում. Աբասթումանիի աստղաֆիզիկական աստղադիտարանը մաքուր երկնքի կարիք ունի։
«Ազատություն» ռադիոկայանը, վկայակոչելով իր աղբյուրները, հայտնել է, որ Աբասթումանիի երկնքի փակումը կապված է այն հանգամանքի հետ, որ Աբասթումանին «Վրացական երազանք»-ի պատվավոր նախագահ Բիձինա Իվանիշվիլիի հետաքրքրության շրջանակում է։
