Վրաստանի տարածքային զարգացման և ենթակառուցվածքների նախարարության ավտոմոբիլային ճանապարհների դեպարտամենտի հաղորդմամբ՝ ներպետական նշանակության Քութաիսի (Ծկղալտուբոյի խաչմերուկ)–Ծկղալտուբո–Ցագերի–Լենտեխի–Լասդիլի ավտոճանապարհի 98-րդ կիլոմետրին տրանսպորտի երթևեկությունը ժամանակավորապես արգելված է։

Ըստ հաղորդագրության` սահմանափակման պատճառ է դարձել Սաղդրիի կամրջի հարակից տարածքում գետի վարարումը, ինչի հետևանքով ջուրը լցվել է ավտոճանապարհի երթևեկելի մաս։ Անվտանգության նկատառումներով՝ նշված հատվածում արգելքը գործում է բոլոր տեսակի ավտոտրանսպորտային միջոցների նկատմամբ։

Ավտոմոբիլային ճանապարհների դեպարտամենտը վարորդներին հորդորում է հաշվի առնել սահմանված սահմանափակումը և ենթարկվել տեղում տեղադրված ճանապարհային նշաններին ու համապատասխան մարմինների ցուցումներին։

Լենտեխիի քաղաքապետարանից bm.ge-ին հայտնել են, որ ստեղծված իրավիճակի հետևանքով արտաքին աշխարհից կտրվել է մոտ 30 գյուղ։