Վրաստանի տարածքային կառավարման և ենթակառուցվածքների նախարարության ավտոճանապարհների դեպարտամենտից հայտնում են, որ Վրաստանի մի շարք ճանապարհների բոլոր ուղղություններով մաքրման աշխատանքներ են իրականացվում։
Այս պահին ինտենսիվ մաքրման աշխատանքների արդյունքում Թբիլիսի-Սենակի-Լեսելիձե միջազգային նշանակության ճանապարհի երթևեկությունն ազատ է։
Բոլոր տեսակի տրանսպորտային միջոցների երթևեկության արգելքը գործում է հետևյալ ճանապարհներին։
Քութայիսի-Տկիբուլի-Ամբրոլաուրի ավտոճանապարհի Քութայիսի-Տկիբուլի-Ամբրոլաուրի 43-45կմ հատվածում (Նաքերալայի լեռնանցք) արգելվում է բոլոր տեսակի տրանսպորտային միջոցների երթևեկությունը։
Բարդ օդերևութաբանական պայմանների պատճառով (ձյուն, բուք, սահմանափակ տեսանելիություն) Կոդա-Փարցխիսի-Մանգլիսի-Ծալկա-Նինոծմինդա 94կմ-110կմ ավտոճանապարհին (Փարվանայի լեռնանցք) արգելվում է բոլոր տեսակի տրանսպորտային միջոցների երթևեկությունը։ Ճանապարհի մնացած հատվածում երթևեկությունն ազատ է։
Միաժամանակ, միջազգային նշանակության Զուգդիդի-Ջվարի-Մեստիա-Լասդիլի ավտոճանապարհի 70-186կմ (Խայշի-Ուշգուլի) հատվածում արգելվում է կցասայլերի, կիսակցորդների և 30 տեղից ավելի տարողությամբ ավտոբուսների տեղաշարժը։ Իսկ 90-186կմ (Դիզի-Ուշգուլի) հատվածում թեթև տրանսպորտային միջոցների երթևեկությունը թույլատրվում է անվաշղթաներով։
Արտաճանապարհային տրանսպորտային միջոցների (երկու և ավելի ճանապարհներով) տեղաշարժն ազատ է։ Ավտոճանապարհի 1-70կմ (Զուգդիդի-Խայշի) հատվածում երթևեկությունն ազատ է։
Ձյան և մերկասառույցի պատճառով նշված ճանապարհի 30-186կմ (Ջվարի-Ուշգուլի) հատվածում արգելվում է կցորդների, կիսակցորդների և ավելի քան 30 նստատեղ ունեցող ավտոբուսների, իսկ այլ տեսակի տրանսպորտային միջոցների տեղաշարժը թույլատրվում է միայն անվաշղթաներով:
Առատ ձյան պատճառով Քութայիսի-Ծկղալտուբո-Ցագերի-Լենտեխի-Լասդիլի 28-125կմ (Կղումիսթավի-Մելե) հանրապետական նշանակության հատվածում արգելվում է կցորդների, կիսակցորդների և 30-ից ավելի տեղով տրանսպորտային միջոցների երթևեկությունը։ Նույն ճանապարհի 88-125կմ (Լենտեխի-Մելե) հատվածում այլ տեսակի տրանսպորտային միջոցների երթևեկությունը թույլատրվում է անվաշղթաներով։
Քութայիսի-Բաղդաթի-Աբասթումանի-Բենարա միջպետական նշանակության ավտոճանապարհի 90կմ հատվածում վնասվել են ցերեկային լույսավորության փոխանցման սյուները։ Աբասթումանի-Կանոբիլի այս հատվածում մաքրման աշխատանքներն անհնարին են, ինչի պատճառով նշված հատվածներով արգելված է բոլոր տեսակի տրանսպորտային միջոցների երթևեկությունը։
Առատ ձյան և ցածր ջերմաստիճանի պատճառով Ալփանա-Ցագերի 1կմ-22կմ ճանապարհահատվածում արգելվում է կցորդների, 30 նստատեղից ավելի տարողությամբ կիսակցորդների տեղաշարժը, իսկ այլ տեսակի տրանսպորտային միջոցների տեղաշարժը թույլատրվում է անվաշղթաներով։
Ձյան և մերկասառույցի պատճառով հանրապետական նշանակության Գոմի-Սաչխերե-Ճիաթուրա-Զեստափոնի 11-108կմ ճանապարհահատվածում արգելվում է կցորդների, կիսակցորդների և 30 նստատեղից ավելի տարողությամբ ավտոբուսների տեղաշարժը։ Նույն ավտոճանապարհի 11-52կմ հատվածով այլ տեսակի տրանսպորտային միջոցների երթևեկությունը թույլատրվում է անվաշղթաներով։ Ճանապարհի մնացած հատվածում երթևեկությունն ազատ է։
Առատ ձյան պատճառով Սաչխերե-Օնի ճանապարհահատվածում արգելված է կցասայլերի տեղաշարժը, իսկ մյուս տեսակի տրանսպորտային միջոցների տեղաշարժն ազատ է։
Ճանապարհների վարչությունը հորդորում է բնակչությանը ձմեռային շրջանում երթևեկել համապատասխան անվադողերով, պատշաճ տրանսպորտով և ենթարկվել ավտոճանապարհներին սահմանված ռեժիմներին։
Նորայր Միսկարյան
