Նոր ուսումնական տարվա հետ կապված Թբիլիսիի մետրոն պիկ ժամերին 3 րոպեանոց ընդմիջումներով կաշխատի: Այս մասին քաղաքի կառավարման նիստի ժամանակ հայտնել է քաղաքապետ Կախա Կալաձեն։
Թբիլիսիի քաղաքապետի խոսքերով, միջանկյալ ժամանակի նվազեցումը հնարավոր է դարձել մետրոյի գնացքների արդիականացման նախագծի իրականացմամբ:
«Առաջիկա տարիների ընթացքում ծրագրում ենք յուրաքանչյուր տարի ավելացնել 4 նոր գնացք, ինչը նշանակում է, որ մոտ ապագայում մետրոն կդառնա քաղաքի ամենահարմարավետ և ամենաարագընթաց տրանսպորտը», — հայտարարել է Կալաձեն:
