Թբիլիսիի քաղաքապետարանի տեղեկատվության համաձայն՝ Կրծանիսի փողոցում նախատեսվող վերանորոգման աշխատանքների կապակցությամբ սեպտեմբերի 1-ից աստիճանաբար ժամանակավորապես կսահմանափակվի տրանսպորտային միջոցների տեղաշարժը։

Առաջին փուլում տրանսպորտային միջոցների տեղաշարժը կսահմանափակվի Կրծանիսի փողոցից՝ Վախթանգ Գորգասալի փողոցի ուղղությամբ։ Կրծանիսի փողոցով Վախթանգ Գորգասալի փողոցից մինչև «Նյու Հոսփիթլս» կլինիկա շարժը հնարավոր կլինի միայն միակողմանի՝ Վախթանգ Գորգասալիից «Նյու Հոսփիթլս»-ի ուղղությամբ։

Կրծանիսի փողոցից Վախթանգ Գորգասալի փողոց շարժվել հնարավոր կլինի Ծինաուրի, Օրթաճալի, Մելքաձեի և Կալանդաձեի փողոցներով, իսկ Կալանդաձեի փողոցից կարող են շարժվել Վախթանգ Գորգասալի փողոց՝ ինչպես Կրծանիսի, այնպես էլ Գուլուայի հրապարակի ուղղությամբ։