Եվրահանձնաժողովը հրապարակել է Վրաստանի մասին 2026 թվականի գնահատման զեկույցը, որում ուշադրություն է հրավիրվում միգրացիոն գործընթացների և առանց վիզայի (շենգենյան) ռեժիմի գործունեության վրա։

Զեկույցի համաձայն՝ Վրաստանը շարունակում է մնալ առանց վիզայի երկրների ցանկի առաջին տեղերում, որոնց քաղաքացիներն ամենահաճախն են դիմում Եվրամիության անդամ պետություններ՝ ապաստան ստանալու խնդրանքով։ Մասնավորապես, 2025 թվականի ընթացքում ԵՄ-ում Վրաստանի քաղաքացիների ներկայացրած ապաստանի հայտերի թիվը կազմել է 15 հազար 130։

Փաստաթղթում նշված է, որ Վրաստանի իշխանությունների հետ հետընդունման համաձայնագրի իրականացումը դրական է գնահատվում, սակայն ԵՄ-ում ապաստանի անհիմն հայցերի բարձր ցուցանիշը շարունակում է մարտահրավեր մնալ։ Անցյալ տարի ԵՄ-ից երկիրը լքելու պարտադիր որոշումից հետո Վրաստան է վերադարձել 10 հազար 445 քաղաքացի։ Այս ցուցանիշով Վրաստանը ԵՄ-ից վերադարձված անձանց թվով աշխարհում երկրորդ տեղում է։

Եվրահանձնաժողովն ընդգծում է, որ Վրաստանի իշխանությունները պետք է արդյունավետ քայլեր ձեռնարկեն ԵՄ-ում անօրինական կերպով մնացած և ապաստան հայցող Վրաստանի անհիմն դիմորդների խնդիրը լուծելու համար, ինչը վիզային ռեժիմի կասեցման մեխանիզմի (VSM) առանցքային պահանջներից մեկն է։