Թբիլիսիի «Ամանորյա գյուղը» կբացվի դեկտեմբերի 23-ին ժամը 19:00-ին Օրբելիանի հրապարակում՝ նախագահի նստավայրի հարակից տարածքում։ Այս մասին Թբիլիսիի կառավարության նիստում հայտարարել է մայրաքաղաքի քաղաքապետ Կախա Կալաձեն։

«Հիշեցնում ենք, որ մայրաքաղաքի «Ամանորյա գյուղը» կբացվի դեկտեմբերի 23-ին՝ ժամը 19:00-ին։ Բաց մի թողեք այս գեղեցիկ միջոցառումը, ներկա գտնվեք իսկական տոնակատարության՝ ձեր փոքրիկների հետ։

Ձեզ սպասվում է ամանորյա համերգ՝ ձեր կողմից սիրված արտիստների մասնակցությամբ», — ասել է Կալաձեն:

Քաղաքապետի խոսքով՝ տոնն այն է, որտեղ կա միասնություն, խաղաղություն և սեր։