Այսօր՝ օգոստոսի 1-ին, մեկնարկեց 2025 թվականի միասնական ազգային քննությունների արդյունքների հրապարակումը:

Հրապարակվել են դիմորդների վրաց լեզու և գրականության, օտար լեզուների և օսերենի քննության նախնական արդյունքները: Արդյունքներին ծանոթանալու համար դիմորդը պետք է մուտք գործի online.naec.ge կայք (ազգային գնահատման և քննությունների կենտրոն) և համապատասխան դաշտում մուտքագրի իր անձնական տասնմեկանիշ համարը և հնգանիշ գաղտնաբառը:

Իր անձնական էջում քննություն հանձնողը հնարավորություն կունենա տեսնելու իր աշխատանքի պատճենը և  առարկայից ստացված նախնական միավորը: Միասնական ազգային քննությունների վերջնական արդյունքները կհրապարակվեն հայտերի վերանայումից, միավորների հավասարեցումից և սանդղակավորումից հետո:

Արդյունքներին կարող եք ծանոթանալ այստեղ։

Վրաց լեզու և գրականություն առարկայի առավելագույն միավորը 60 է: Դիմորդը կհամարվի այս առարկան հանձնած, եթե միավորների բողոքարկումից և վերանայումից հետո նրա միավորը գերազանցի այս առարկայի համար սահմանված առավելագույն միավորի 25%-ը:

Բողոքարկման դիմումների ընդունումը կսկսվի բոլոր քննությունների արդյունքների հրապարակումից հետո: Դիմումներն ընդունվում են էլեկտրոնային եղանակով online.naec.ge կայքում։

Ազգային գնահատման և քննությունների կենտրոնը մյուս առարկաների քննությունների արդյունքները կհրապարակի աստիճանաբար։