Ընդդիմադիր կուսակցությունները՝ «Ախալի»-ն, «Գիրչի — Ավելի շատ ազատություն»-ը «Դրոա»-ն, «Եվրոպական Վրաստան»-ը, «Ազգային ժողովրդավարական կուսակցություն»-ը, «Ազատության հրապարակ»-ը, «Ագմաշենեբելի ռազմավարություն»-ը և «Ֆեդերալիստներ»-ն արձագանքել են BBC-ի հրապարակած հետաքննությանը։
Նրանց գնահատմամբ՝ հետաքննության ներկայացրած փաստը միջազգային նորմերի, մարդու իրավունքների պարտավորությունների և Վրաստանի միջազգային կոնվենցիաների նկատմամբ հանձնառության կոպիտ խախտում է։ Նրանք կոչ են արել հեղինակավոր միջազգային հաստատություններին անցկացնել անկախ միջազգային հետաքննություն՝ պատասխանատուներին բացահայտելու և նման նյութերի հետագա օգտագործումը կանխելու նպատակով։ Նրանք նաև կոչ են արել միջազգային գործընկերներին քննարկել քաղաքացիների դեմ օգտագործվող միջոցների վրա ժամանակավոր սահմանափակումներ սահմանելու հարցը։
«BBC-ի վերջերս անցկացրած հետաքննությունը լուրջ ապացույցներ է ներկայացրել, որ Վրաստանի իշխանություններն արգելված քիմիական նյութեր են օգտագործել Վրաստանի քաղաքացիների դեմ 2024 թվականին հակակառավարական խաղաղ բողոքի ցույցերի բռնի ճնշման ժամանակ։
Եթե հաստատվի, այս փաստը, դա կհամարվի միջազգային նորմերի, մարդու իրավունքների պարտավորությունների և միջազգային կոնվենցիաներին Վրաստանի հավատարմության կոպիտ խախտում»,- նշել են նրանք։
