Եվրոպամետ բողոքի ակցիայի մասնակիցները Նոր տարում կրկին կհանդիպեն Ռուսթավելիի պողոտայում: Նոր տարվա ակցիա-համերգը կկայանա դեկտեմբերի 31-ին, ժամը 23:00-ից սկսած։

«Մեկ տարի է անցել այն պահից, երբ Ռուսթավելիի պողոտան դարձել է շարունակական բողոքի կենտրոն: Մեր երկրի վերջին շրջանի հաղթանակներն ու ցավերը գրանցվում են այստեղ, և այդ պատմությունը կրկին գրվում է այստեղ», — ասված է ակցիայի կազմակերպիչների հայտարարության մեջ։

Նոր տարվա ծրագիրը կսկսվի ժամը 23:00-ին Առաջին դպրոցի մոտ, որտեղ հավաքվածները կլսեն խղճի բանտարկյալների ուղերձները, կխոսվի ծրագրերի մասին, կկայանա համերգը։

Միջոցառման կազմակերպիչներն են «Մշակույթ ժողովրդավարության համար»-ը, Պետական ​​ծառայողների անկախ արհմիությունը, Վրաստանի երաժիշտների արհմիությունը և այլ կազմակերպություններ։