ԱՄՆ Պետդեպարտամենտի հաղորդմամբ՝ նախատեսվում է կասեցնել ներգաղթային վիզաների տրամադրումը 75 երկրների քաղաքացիների։
Սահմանափակումը կվերաբերի այն օտարերկրացիներին, որոնք պլանավորում են տեղափոխվել Միացյալ Նահանգներ մշտական բնակության համար։ Որոշումը չի վերաբերի կարճաժամկետ վիզաներին, ինչպիսիք են ժամանակավոր աշխատանքային, ուսանողական, տուրիստական և Աշխարհի առաջնության հետ կապված վիզաները։
Այն երկրների ամբողջական ցանկը, որոնց քաղաքացիներին ԱՄՆ-ն այլևս վիզաներ չի տրամադրի, արդեն հրապարակվել է միջազգային լրատվամիջոցներում. Վրաստանը նույնպես այս ցանկում է։
2020-2024 թվականներին Ամերիկայի Միացյալ Նահանգները Վրաստանի քաղաքացիներին տրամադրել է ընդհանուր առմամբ 6570 ներգաղթային վիզա։ Տարիների ընթացքում տրամադրված ներգաղթային վիզաների թիվն աճել է։
2020-2024 թվականներին Վրաստանի քաղաքացիներին ԱՄՆ-ի տրամադրած ներգաղթային վիզաների թիվը.
2020 – 746 վիզա
2021 – 652 վիզա
2022 – 1958 վիզա
2023 – 1397 վիզա
2024 – 1817 վիզա։
Ինչպես նշվեց, 2024 թվականին Միացյալ Նահանգները Վրաստանի քաղաքացիներին տրամադրել է 1817 ներգաղթային վիզա։ Դրանց մեծ մասը (1127 վիզա) տրամադրվել է դիվերսիֆիկացման ծրագրի շրջանակներում, որը ներառում է նաև Green Card վիճակախաղը։
