Նախկին վարչապետ, «Գախարիան Վրաստանի համար» կուսակցության նախագահ Գիորգի Գախարիան կմասնակցի Մյունխենի անվտանգության համաժողովին (MSC) փետրվարի 13-15-ը։
Ըստ կուսակցության հաղորդագրության՝ նա հանդիպումներ կունենա ԱՄՆ-ի և ԵՄ անդամ երկրների բարձրաստիճան քաղաքական պաշտոնյաների հետ։
«Վրացական երազանք»-ի կառավարությունից համաժողովին կմասնակցի ԱԳ նախարար Մակա Բոճորիշվիլին։
Մյունխենի անվտանգության համաժողովը միջազգային անվտանգության քաղաքականության հարցերի շուրջ քննարկումների ամենամեծ ֆորումն է աշխարհում, որն անցկացվում է 1963 թվականից։ Մյունխենի 62-րդ անվտանգության համաժողովին կմասնակցեն 50 պետությունների և կառավարությունների ղեկավարներ։
