Միջազգային չկանոնակարգված ուղևորափոխադրումների ոլորտի սպասարկման վճարներն ավելանում են։ Վրաստանի Էկոնոմիկայի և կայուն զարգացման նախարարի նոր հրամանով՝ Ցամաքային տրանսպորտի գործակալության մատուցվելիք ծառայությունների սակագները վերանայվել են։

Փոփոխության հիմնական շեշտը դրված է միջազգային չկանոնակարգված մեկանգամյա և բազմակի ուղևորափոխադրումների թույլտվությունների ձևակերպման վրա։

Հրամանի նոր վերանայմամբ սակագները բաշխվել են հետևյալ կերպ.

• Արագացված սպասարկում (1 աշխատանքային օր) վճարը բարձրացել է մինչև 100 լարի (նախկինում գործող 80 լարիի փոխարեն)։

• Ստանդարտ սպասարկում (1 աշխատանքային օրից ավելի), վճարը սահմանվել է 70 լարի (նախկինում գործող 50 լարիի փոխարեն)։

Այսպիսով, ստանդարտ սպասարկման գինն աճել է 40%-ով, իսկ արագացված ձևակերպման արժեքը՝ 25%-ով։

Փոփոխությունն ուժի մեջ է մտել «Օրենսդրական սուրհանդակ»-ում հրապարակման պահից։ Այս կարգավորումը վերաբերում է բոլոր այն փոխադրողներին, որոնք աշխատում են միջազգային պայմանագրերի շրջանակներում և իրականացնում են ուղևորների չկանոնակարգված տրանսպորտային փոխադրումներ երկրների միջև։