Ընթացիկ տարվա առաջին եռամսյակում բիզնես ոլորտում վարձու աշխատողների միջին ամսական աշխատավարձը կազմել է 2336 լարի։

Վրաստանի ազգային վիճակագրական ծառայության տվյալներով՝ 2025 թվականի համապատասխան ժամանակահատվածի համեմատ միջին աշխատավարձն աճել է 166 լարիով։

Ըստ ձեռնարկությունների չափսերի միջին ամսական աշխատավարձը բաշխվել է հետևյալ կերպ.

 Խոշոր բիզնես – 2513.5 լարի,

 Միջին բիզնես – 2786.5 լարի,

 Փոքր բիզնես – 1787.2 լարի։

Զբաղվածության առումով 2026 թվականի առաջին եռամսյակում բիզնես ոլորտում վարձու աշխատողների ընդհանուր թիվը կազմել է 743.7 հազար (անցյալ տարվա համապատասխան ժամանակահատվածի համեմատ 3.5%-ով ավելի), իսկ անձնակազմի վրա ձեռնարկությունների ընդհանուր ծախսերը սահմանվել են 5 մլն 319 հազար լարի (անցյալ տարվա համապատասխան ժամանակահատվածի համեմատ 11%-ով ավելի)։

Աշխատողների թվով բիզնես ոլորտում առաջատար են եղել առևտրի (մեծածախ և մանրածախ առևտուր, ավտոմեքենաների և մոտոցիկլետների նորոգում), մշակող արդյունաբերության, նաև առողջապահության և սոցիալական ծառայությունների ոլորտները։

Ինչ վերաբերում է այլ տվյալներին, I եռամսյակում բիզնես ոլորտի շրջանառության ծավալն աճել է գրեթե 11%-ով՝ հասնելով մինչև 62 միլիարդ լարիի։ Հաշվետու ժամանակահատվածում ոլորտի շրջանառության ծավալի 71%-ը բաժին է ընկել խոշոր բիզնեսին, 11%-ը՝ միջինին, իսկ 18%-ը՝ փոքր բիզնեսին։