«Վրացական երազանք»-ի վարչապետ Իրակլի Կոբախիձեն շնորհավորել է Հայաստանի վարչապետ Նիկոլ Փաշինյանին խորհրդարանական ընտրություններում «Քաղաքացիական պայմանագիր» կուսակցության հաջողության կապակցությամբ։
X սոցիալական ցանցում հրապարակված գրառման մեջ Կոբախիձեն պատրաստակամություն է հայտնել երկու երկրների միջև բարեկամական հարաբերությունների հետագա խորացման համար։
«Ի սրտե շնորհավորում եմ Հայաստանի Հանրապետության վարչապետ Նիկոլ Փաշինյանին ընտրություններում նրա կուսակցության հաջողության կապակցությամբ։ Անհամբերությամբ սպասում եմ մեր սերտ համագործակցության շարունակմանը՝ Վրաստանի և Հայաստանի միջև ռազմավարական գործընկերությունն ու բարեկամական հարաբերություններն ի բարօրություն մեր ժողովուրդների հզորացնելու համար»,- գրել է Իրակլի Կոբախիձեն։
Հայաստանի կենտրոնական ընտրական հանձնաժողովն ավարտել է հերթական խորհրդարանական ընտրությունների քվեաթերթիկների հաշվարկը։ Հայկական լրատվամիջոցների փոխանցմամբ՝ հաշվարկվել են բոլոր (2005) ընտրատեղամասերի արդյունքները։
Հայաստանի վարչապետ Նիկոլ Փաշինյանի կուսակցությունը ստացել է ձայների 49.81%-ը, իսկ հայ միլիարդատեր Սամվել Կարապետյանի «Ուժեղ Հայաստան» կուսակցությունների դաշինքը՝ 23.29%-ը։
