Թբիլիսիում՝ օդանավակայանին հարակից տարածքում նախատեսված մարզադաշտի կառուցման պատճառով, քաղաքացուն պատկանող գույքը հարկադիր կարգով կբռնագրավվի (էքսպրոպրիացիա):
Այս մասին Էկոնոմիկայի նախարարի հոկտեմբերի 13-ի հրամանն արդեն հրապարակվել է։
Մասնավորապես, ինչպես նշված է փաստաթղթում, բարձր մակարդակի ֆուտբոլային, ռեգբիի, համերգային և այլ մասսայական միջոցառումների կազմակերպման համար Թբիլիսիում՝ օդանավակայանին հարակից տարածքում (Լուգարի հետազոտական կենտրոնի և Սևծովյան համալսարանի միջև), նախատեսվում է ՈՒԵՖԱ-ի չորրորդ կատեգորիայի 70 հազար հանդիսականի համար նախատեսված ֆուտբոլային մարզադաշտի կառուցում։
Ծրագրի իրականացման նպատակով անհրաժեշտ է ձեռք բերել (գնել) նախագծի տարածքում գտնվող մասնավոր սեփականություն հանդիսացող անշարժ գույքը։
Սակայն, ինչպես նշված է հրամանում, համաձայնություն չի կայացել Թբիլիսիում, Շալվա Լոլաձեի 1-ին փակուղի №6 հասցեում գտնվող 537 քմ մակերեսով ոչ գյուղատնտեսական նշանակության հողամասի և դրա վրա գտնվող շինության (կառուցվող, ընդհանուր մակերեսը՝ 588.40 քմ) կամավոր գնման շուրջ։
Որպես արդյունք՝ նախարարության որոշմամբ Վադիմ Ռոմանովի սեփականություն հանդիսացող այս անշարժ գույքը կենթարկվի էքսպրոպրիացիայի (հարկադիր բռնագրավման)։
Ինչպես նշված է հրամանում, որոշումը կարող է բողոքարկվել հրապարակման կամ պաշտոնական կարգով ծանոթանալու օրվանից մեկ ամսվա ժամկետում՝ Թբիլիսիի քաղաքային դատարանի վարչական գործերով պալատում։
