Ֆինանսների նախարար Լաշա Խուցիշվիլին հանդիպել է Արժույթի միջազգային հիմնադրամի առաքելության հետ: Այս մասին տեղեկատվությունը տարածում է ֆինանսների նախարարությունը:
«Վրաստանում աշխատանքն է սկսել Արժույթի միջազգային հիմնադրամի առաքելությունը: Առաքելության անդամները՝ Ալեխանդրո Հայդենբերգի գլխավորությամբ, առաջին հանդիպումն անցկացրել են ֆինանսների նախարար Լաշա Խուցիշվիլիի հետ: Ֆինանսների նախարարությունում կայացած հանդիպման ընթացքում քննարկվել են Վրաստանի և Արժույթի միջազգային հիմնադրամի միջև համագործակցության հարցերը:
Կողմերը դիտարկել են ընթացիկ տարվա տնտեսական իրավիճակը, միջնաժամկետ մակրոտնտեսական և ֆիսկալ ցուցանիշները, 2027 թվականի բյուջեի հիմնական տվյալները, կառավարության տնտեսական բարեփոխումների օրակարգը»:
Զրույցը վերաբերել է 2027 թվականին ԱՄՀ-ի կանոնադրության IV հոդվածի դրույթով («Չորրորդ հոդվածի խորհրդակցություններ») նախատեսված բանակցությունների նախապատրաստական աշխատանքներին:
Հանդիպմանը մասնակցել են ֆինանսների նախարարի տեղակալներ Գիորգի Կակաուրիձեն, Եկատերինե Գունցադզեն և Ցոտնե Կավլաշվիլին»,- նշված է տեղեկատվության մեջ:
