Միջազգային նշանակության Արևելք-Արևմուտք միջազգային մայրուղու (E70) Գրիգոլեթի-Քոբուլեթի հատվածի շինարարությունն ակտիվորեն շարունակվում է։
Մայրուղու 14 կիլոմետր երկարություն ունեցող ճանապարհի 11 կմ հատվածն արդեն բաց է երթևեկության համար, իսկ 3 կմ հատվածի աշխատանքները կավարտվեն այս տարի։ Գրիգոլեթի-Քոբուլեթի գլխավոր ճանապարհի կառուցման նախագիծը ներառում է 14 կմ երկարությամբ, 4 գոտի ասֆալտբետոնե ճանապարհի, 22 կամուրջների, 4 տրանսպորտային հանգույցների, ջրատարների և ստորգետնյա ելքերի կառուցում։
Գրիգոլեթի-Քոբուլեթի շրջանցիկ ճանապարհով Սամտրեդիա-Գրիգոլեթի ճանապարհը կմիանա Քոբուլեթիի շրջանցիկ ճանապարհին, իսկ երթևեկության հոսքերը Գրիգոլեթիից դեպի Քոբուլեթի կշարժվեն արագընթաց ճանապարհով։
«14 կմ հատվածից 11 կմ-ն արդեն բացվել է ճանապարհային երթևեկության համար, մնացել է 3 կմ կրիտիկական հատված, որն ուղիղ կապ կապահովի Գրիգոլեթի-Քոբուլեթի հատվածի և Սամտրեդիա-Գրիգոլեթի ավարտված հատվածների միջև։ Աշխատանքները շարունակվում են ինտենսիվ, սակայն 3 կմ հատվածում կան մարտահրավերներ, որոնց պատճառով կապալառուից և վերահսկող ընկերություններից պահանջվել է համապատասխանաբար ավելացնել իրենց մոբիլիզացիան և ռեսուրսները»,- ասել է Վրաստանի տարածաշրջանային զարգացման և ենթակառուցվածքների նախարար Իրակլի Քարսելաձեն:
Ի դեպ, մայրուղու կառուցման նախագիծն իրականացվում է Եվրոպական ներդրումային բանկի (EIB) ֆինանսական աջակցությամբ և դրա արժեքը կազմում է 228 մլն լարի։
