Վրաստանի արտաքին գործերի նախարար Մակա Բոճորիշվիլին լրատվամիջոցների հետ զրույցում խոսել է Փարիզում Միջազգային տիեզերական գագաթնաժողովին Իրակլի Կոբախիձեի մասնակցության կարևորության մասին։
Այսօր Փարիզում բացվում է առաջին Միջազգային տիեզերական գագաթնաժողովը, որին ներկա է լինելու Իրակլի Կոբախիձեն։
«Տիեզերքի ոլորտում համագործակցությունն այսօր ամենակարևոր հարցերից մեկն է ինչպես եվրոպական, այնպես էլ գլոբալ անվտանգության առումով»,- ասել է արտաքին գործերի նախարարը։
Նրա խոսքով՝ արարողությունը Վրաստանի համար էական հնարավորություն է ներկայացնում ինչպես բազմակողմ քննարկումների, այնպես էլ երկկողմ հարաբերությունների խորացման տեսանկյունից։
Բոճորիշվիլին նաև նշել է, որ գագաթնաժողովը լավ հնարավորություն է Վրաստանի համար տարբեր երկրների առաջնորդների հետ երկկողմ հանդիպումներ անցկացնելու համար․
«Նախագահ Մակրոնի նախաձեռնությունը նախատեսում է երկխոսություն գործընկերների հետ, և կարևոր է, որ Վրաստանն այս հարցի շուրջ երկխոսության շրջանակում հրավիրված է բարձրագույն մակարդակով՝ մասնակցելու նախագահ Մակրոնի նախաձեռնությամբ անցկացվող գագաթնաժողովին։ Վարչապետ Իրակլի Կոբախիձեն կմասնակցի պլանավորված միջոցառմանը։ Բացի նրանից, որ Վրաստանը կարևոր քննարկումների մաս է կազմում, գագաթնաժողովը հատկանշական է նաև երկկողմ տեսանկյունից։ Այստեղ ներկայացված են բազմաթիվ պատվիրակություններ, տարբեր երկրների առաջնորդներ, և սա լավ հնարավորություն է Վրաստանի համար՝ երկկողմ հանդիպումներ ունենալու տարբեր երկրների ղեկավարների հետ»,- ասել է արտաքին գործերի նախարարը։
