Ամառային հանգստի վերջին շաբաթները Թբիլիսիում վայելելու համար Ալիք մեդիան ներկայացնում է շաբաթավերջի միջոցառումների ընտրանին։
«Նոր Մզիուրի» այգում ամենշաբաթյա ֆիլմի բացօթյա ցուցադրությունների շրջանակներում այս ուրբաթ՝ օգոստոսի 17-ին, կցուցադրվի «սիրով՝ Վինսենթ» առաջին անիմացիոն ֆիլմը, որի վրա աշխատել է յուղաներկերով ստեղծագործող շուրջ 100 նկարիչ: Մուտքն ազատ է, սկիզբը՝ 20:30-ին:
Ամառային երեկոները կրքոտ պահերով հիշելու համար այցելեք «Տանգոյի ակադեմիայի» նախաձեռնած Միլոնգային (տանգոյի երեկո), որը տեղի կունենա Թբիլիսիի Ալեքս Շերիմանի պատշգամբում, ժամը՝ 20:00-ից մինչև կեսգիշեր: Մուտքի արժեքը՝ 5 լարի:
Հետաքրքիր առաջարկ շփվող բայքերների, կամ էլ շփվող բայքերների սիրահարների համար․ օգոստոսի 17-ին կկայանա բայքերների հավաք, որի նպատակն է ծանոթանալ միմյանց, կիսվել խորհուրդներով ու փորձով: Մանրամասներն՝ այստեղ։
Ռիկղեի այգում շարունակվում են երիտասարդ երգիչների համերգները, այս ուրբաթը բացառություն չէ․ ժամը 19:00-ին «Փողոցային երաժշտության ալիք» խորագրով հերթական համերգը բաց չթողնեք:
Օգոստոսի 19-ին Գուրիայում, Բախմարո հանգստավայրում, Check in Georgia ծրագրի աջակցությամբ կանցկացվի ժամանակակից երաժշտական փառատոն: Sunset Fest-ն այսուհետ կանցկացվի ամեն տարի: Սկիզբը՝ ժամը 17:00-ին։
Օգոստոս ամսվա յուրաքանչյուր շաբաթ օր Ռիկղե այգում հանդես են գալիս վրացական ազգային բալետի պետական ակադեմիական «Սուխիշվիլիներ» խմբի անդամները և «Թատերական կվարտետը»: Մուտքն ազատ է, սկիզբը՝ 21:00-ին:
Red Fox Travel-ն առաջարկում է այցելել Վրաստանի գեղատեսիլ վայրերից Աբուդելաուրիի գունավոր լճեր։ Տուրը հասանելի է ինչպես շաբաթ՝ օգոստոսի 18-ին, այնպես էլ կիրակի՝ օգոստոսի 19-ին: Արժեքը՝ 25 լարի: Մանրամասներն՝ այստեղ:
Եվս մեկ գեղեցիկ վայր առաջարկում է այցելել Nice tours տուրիստական կազմակերպությունը՝ 20 լարիով տեսնել Գուդամակղարին: Մանրամասներն այստեղ:
Եվ վերջում, ձեզ ենք ներկայացնում ծովափնյա Բաթումիում և հարակից վայրերում օգոստոսին նախատեսված համերգների ցանկը.
Օգոստոսի 23-26-ը Անակլիայում՝ Echowaves փառատոն. մանրամասներին ծանոթացեք այստեղ։
Օգոստոսի 25-ին ՝ Kobuleti ozone fest: Հանդես կգան Soft eject, Green room, Nemra, Asea sool, Sevda, Vakot խմբերը։
