Համաշխարհային բանկը 2026 թվականի Վրաստանի տնտեսական աճի կանխատեսումը բարձրացրել է մինչև 7%: Հունիսին հրապարակված նախորդ կանխատեսման համեմատ՝ Վրաստանի տնտեսական աճի գնահատականը բարելավվել է 2 տոկոսային կետով։

Եվրոպայի և Կենտրոնական Ասիայի տնտեսական հեռանկարների հանզորի համաձայն՝ Վրաստանից բացի, տարածաշրջանի երկրներից տնտեսական աճի կանխատեսումն ավելացել է միայն Հայաստանի համար։ Հայաստանի դեպքում կանխատեսումն ավելացել է 0․3 տոկոսային կետով՝ հասնելով 5․6%-ի։

Միևնույն ժամանակ, Համաշխարհային բանկը Ադրբեջանի տնտեսական աճի կանխատեսումը նվազեցրել է 0․8 տոկոսային կետով՝ հասցնելով 1․2%-ի։ Ղազախստանի համար կանխատեսումը կազմում է 4․6%, ինչը հունիսյան գնահատականի համեմատ փոփոխություն չի ենթարկվել։

Համաշխարհային բանկի 2026 թվականի կանխատեսումները տարածաշրջանի այլ երկրների համար հետևյալն են․ Մոլդովա՝ 1․9%, Ռուսաստանի Դաշնություն՝ 0․8%, Թուրքիա՝ 2․8% և Ուկրաինա՝ 1․2%: Նշված երկրների կանխատեսումները հունիսյան գնահատականների համեմատ անփոփոխ են։

Եվրոպայի և Կենտրոնական Ասիայի տարածաշրջանի տնտեսական հեռանկարների համաձայն՝ 2026 թվականին տարածաշրջանի երկրներում տնտեսական աճը կլինի հետևյալը (տարբերությունը նշված է հունիսյան կանխատեսման համեմատ)․

 Վրաստան․ 7․0% (տարբերությունը՝ +2 տ․կ․)

 Հայաստան․ 5․6% (տարբերությունը՝ +0․3 տ․կ․)

 Ադրբեջան․ 1․2% (տարբերությունը՝ -0․8 տ․կ․)

 Ղազախստան․ 4․6% (տարբերությունը՝ 0․0 տ․կ․)

 Մոլդովա․ 1․9% (տարբերությունը՝ 0․0 տ․կ․)

 Ռուսաստանի Դաշնություն․ 0․8% (տարբերությունը՝ 0․0 տ․կ․)

 Թուրքիա․ 2․8% (տարբերությունը՝ 0․0 տ․կ․)

 Ուկրաինա․ 1․2% (տարբերությունը՝ 0․0 տ․կ․)