Վրաստանի Գորի քաղաքում ընդդիմադիր Միացյալ աշգային շարժում կուսակցության գրասենյակի վրա հարձակում է տեղի ունեցել. ձերբակալվել է երեք անձ: Այս մասին տեղեկություն է տարածում Վրաստանի Ներքին գործերի նախարարության մամլո ծառայությունը:
«Հետաքննությունը հաստատեց, որ մեղավորները Գորիում վնասել են Միացյալ ազգային շարժման գրասենյակի ապակիները»,- նշված է ՆԳՆ հայտարարության մեջ:
Գործի շուրջ հետաքննություն է սկսվել Վրաստանի Քրեական օրենսգրքի 187-րդ հոդվածի առաջին կետով, ինչը ենթադրում է ուրիշի ապրանքը վնասել ու նախատեսում է մինչև 3 տարի ազատազրկում:
