Աբու Դաբիում ձերբակալված Մերաբ Դվալիշվիլին և Սաբա Լազիշվիլին ազատ են արձակվել։ Այս մասին X սոցիալական ցանցում հայտարարել է սպորտային լրագրող Արիել Հելվանին։

Դվալիշվիլիի ազատ արձակումը հաստատել է նաև Real American Freestyle (RAF) ըմբշամարտի կազմակերպության համահիմնադիր և գործադիր տնօրեն Չադ Բրոնշտեյնը։

ԱՄԷ-ի The National հրատարակությունը, հղում անելով Աբու Դաբիի դատական ​​դեպարտամենտին, գրում է, որ դատարանը հյուրանոցում տեղի ունեցած կռվի համար մեղավոր է ճանաչել տասը անձի։ Նրանցից ութը դատապարտվել են ազատազրկման, տուգանքների և արտաքսման, իսկ երկուսը՝ տուգանքի։ Տեղեկատվության մեջ չի նշվում, թե ում ինչ պատիժ է նշանակվել։