Վրաստանի կառավարության վարչակազմը և 19 այլ գերատեսչություններ պարզեցված պետական ​​գնումների պայմանագրերը չեն հրապարակում, նշված է «Թրանսփարենսի Ինթերնեշնլ-Վրաստան» (TI) հասարակական կազմակերպության զեկույցում:

TI-ը ներկայացնում է հետևյալ տվյալները.

• 20 պետական ​​գերատեսչություններ պարզեցված գնումների պայմանագրեր չեն հրապարակել,
• դրանց թվում են այնպիսի կարևոր գերատեսչություններ, ինչպիսիք են՝ կառավարության վարչակազմը, ներքին գործերի նախարարությունը, նախագահի աշխատակազմը, պետական ​​անվտանգության ծառայությունը և այլն,
• արդեն 6 տարի գնումների գործակալությունը պայմանագրերի չհրապարակումը բացատրում է տեխնիկական սխալով,
• չհրապարակված պայմանագրերի խնդիրը մասամբ վերացվել է. 2017 թվականին շուրջ 50 գերատեսչությունների պայմանագրեր չեն հրապարակվել,
• բացառությամբ պետական ​​գաղտնիքի հետ կապված գնումների, օրենքով արգելված է «չհրապարակված պայմանագրերի» առկայությունը, քանի որ դա էապես մեծացնում է կոռուպցիոն համաձայնագրերի վտանգը։

Անցած տարիներին TI-ը բազմիցս նշել է, որ պարզեցված գնումների միջոցով որոշ պետական ​​գերատեսչությունների կողմից կնքված պայմանագրերը չեն հրապարակվում պետական ​​գնումների էլեկտրոնային համակարգում, ինչը պետական ​​գնումների գործակալությունը բացատրել է տեխնիկական սխալով։

Այս տարվա ապրիլին TI-ը նամակ է ուղարկել պետական ​​գնումների գործակալությանը և խնդրել է տեղեկացնել կոնկրետ գերատեսչությունների կողմից պարզեցված գնումների պայմանագրերի չհրապարակման պատճառի և այն մասին, թե գործակալությունը ինչ միջոցներ է ձեռնարկել խնդիրը լուծելու համար։ Գնումների գործակալությունից հայտնել են, որ գործակալության կողմից իրականացված միջոցառումների արդյունքում մասնակիորեն վերացվել են CMR մոդուլում (պարզեցված պետական ​​գնումներ) պայմանագրերի հրապարակման հետ կապված առկա տեխնիկական թերությունները, և գործակալությունը ներկայումս ձեռնարկում է գործողություններ՝ ամբողջությամբ վերացնելու տեխնիկական թերությունները։ Դրա հետ մեկտեղ գործակալությունը նշել է, որ 2025 թվականի հունվարի 1-ից ուժի մեջ կմտնի «Պետական ​​գնումների մասին» նոր օրենքը, որի նպատակն է՝ ամբողջությամբ փոփոխել գնումների էլեկտրոնային համակարգը։

TI-ը պետական ​​գնումների գործակալությանը և գնումների կազմակերպություններին կոչ է անում ավելի մեծ ուշադրություն դարձնել գնումների պարզեցված պայմանագրերի հրապարակման խնդրին։ Վարչական իրավախախտումների օրենսգիրքը պետք է փոփոխվի, ինչի արդյունքում պետական ​​գնումների գործընթացում համապատասխան նորմատիվ ակտերով սահմանված հրապարակայնության չափանիշների խախտումը պետք է համարվի իրավախախտում։