Թամազ Բորաշվիլին ընտրվել է Պետական անվտանգության ծառայության (ՊԱԾ) 6-րդ ղեկավար՝ 6 տարի ժամկետով․ նրա թեկնածությանը կողմ է քվեարկել 83 պատգամավոր։
«Վրացական երազանք»-ի վարչապետ Իրակլի Կոբախիձեն ՊԱԾ նոր ղեկավարի պաշտոնում Թամազ Բորաշվիլիի թեկնածությունը ներկայացրել էր սեպտեմբերի 14-ին․ նա մինչ այժմ զբաղեցնում էր Պետական անվտանգության ծառայության ղեկավարի տեղակալի պաշտոնը։
Պետական անվտանգության ծառայության ղեկավար Գեկա Գելաձեն պաշտոնը թողել է սեպտեմբերի 14-ին։ Նա հայտարարել է, որ քաղաքական թիմի հետ խորհրդակցությունների արդյունքում գործունեությունը կշարունակի այլ գերատեսչությունում։ Նա նշանակվել է ՆԳ նախարարի տեղակալ։
Օրենսդրության համաձայն՝ Պետական անվտանգության ծառայության ղեկավարին խորհրդարանը հաստատում է 6 տարի լիազորությունների ժամկետով։ Չնայած դրան, վերջին մեկուկես տարվա ընթացքում ՊԱԾ ղեկավարի ընտրության հարցը խորհրդարանի օրակարգում հայտնվել է չորրորդ անգամ։
