Չնայած իրավական կարգավորմանը և միջազգային պրակտիկայի կողմից ամրապնդվող չափանիշներին` Վրաստանում հանրային տեղեկատվության հասանելիությունը կապված է մի շարք մարտահրավերների հետ, գրում է «Սոցիալական արդարության կենտրոնը» (SJC):
Ըստ SJC-ի՝ Վրաստանի համար այժմ տեղեկատվության ազատության չափանիշների բարելավումը հատկապես արդիական և կարևոր է, քանի որ ԵՄ անդամության թեկնածուի կարգավիճակ շնորհելու համար սահմանված երկրորդ առաջնահերթությունը (Վրաստանին տրվել է 12 հանձնարարական-խմբ.) պահանջում է հանրային հաստատությունների հաշվետվողականության և թափանցիկության բարձրացում։
«Հետևաբար, այս ուղղությամբ առկա խոչընդոտները կարող են էականորեն վնասել Վրաստանի եվրաինտեգրման գործընթացին»,- նշել է SJC-ին:
«Սոցիալական արդարության կենտրոն»-ը նաև նշել է՝ տեղեկատվության ազատությունը կարգավորվում և ճանաչվում է Վրաստանի Սահմանադրությամբ, որը հաստատված Վրաստանի ընդհանուր վարչական օրենսգրքով։ Հանրային տեղեկատվության հասանելիությունը՝ որպես տեղեկատվության ազատության բաղադրիչներից մեկը, կարևոր դեր է խաղում պետական թափանցիկության, բաց կառավարման և հանրային հաստատությունների նկատմամբ հանրային վստահության գործընթացում։ Ուստի տեղեկատվության հրապարակայնությունը երկրում ժողովրդավարության որակի կարևորագույն չափորոշիչներից է.
«Տեղեկատվության ազատությանը հատուկ տեղ է հատկացվում Վրաստանի Սահմանադրությամբ, քանի որ առանց դրա անհնար է ապահովել ազատ հասարակությանը բնորոշ գաղափարների կենսական քննարկումը և պայքարի ընթացքը։ Մարդու իրավունքների եվրոպական դատարանի սահմանման համաձայն՝ իշխանությունների կողմից տեղեկատվություն ստանալու խոչընդոտները կարող են դառնալ անուղղակի գրաքննության ձև»։
SJC-ի հրապարակման համաձայն՝ 2023 թվականի հունիսին «Տեղեկատվության ազատության զարգացման ինստիտուտ»-ը (IDFI) հանրային տեղեկատվության հասանելիության գնահատման վերաբերյալ զեկույց է հրապարակել, որում ընդգծվում է՝ տեղեկատվության հասանելիության որակը կտրուկ վատթարացել է։ 2022 թվականին հանրային տեղեկատվության հարցումներին պատասխանների տոկոսն (58 տոկոս) ամենավատն էր 2010 թվականից ի վեր։
