Թելավիի հյուրանոցներից մեկում տեղի ունեցած միջադեպի գործով կալանավորված Գիորգի Ճիղլաձեի դատական նիստը կկայանա այսօր՝ հուլիսի 21-ին: Դատախազությունն արդեն դիմել է Թելավիի շրջանային դատարան և որպես խափանման միջոց պահանջել 5000 լարի գրավ:
Տղամարդը, որն իր եղբոր հարսանիքի ժամանակ կոնֆլիկտ է ունեցել նույն հյուրանոցում բնակվող օտարերկրյա քաղաքացիների հետ, մեղադրվել է Քրեական օրենսգրքի 120-րդ հոդվածով. թեթև մարմնական վնասվածք պատճառելու համար, որը պատժվում է մինչև երեք տարի ազատազրկմամբ:
Կալանավորվածի փաստաբան Լաշա Կապանաձեն «Ազատություն» ռադիոկայանին ասել է, որ իրենք դատարանից խնդրել են գրավի դիմաց ազատ արձակել Գիորգի Ճիղլաձեին դատարանի դահլիճից:
Ըստ օրենքի` կալանավորվածը ազատ կարձակվի գրավի գումարը վճարելուց հետո:
