2026 թվականի 1-ին եռամսյակում Վրաստանում միջին ամսական անվանական աշխատավարձը նախորդ տարվա նույն ժամանակահատվածի համեմատ աճել է 8.9%-ով (193.7 լարիով) և կազմել 2363.8 լարի` ըստ Ազգային վիճակագրական ծառայության ներկայացրած տվյալների։
Նույն վիճակագրության համաձայն՝ 2026 թվականի 1-ին եռամսյակում վարձու աշխատողների միջին ամսական անվանական աշխատավարձի ամենաբարձր ցուցանիշը եղել է Թբիլիսիում (2779.6 լարի), իսկ ամենացածրը (1223.3 լարի) գրանցվել է Ռաճա-Լեչխումի և Քվեմո Սվանեթի տարածաշրջաններում։
Ազգային վիճակագրական ծառայության տվյալներով` միջին ամսական աշխատավարձի բաշխումն ըստ Վրաստանի տարածաշրջանների.
- Թբիլիսի — 2770.6 լարի
- Մցխեթա-Մթիանեթի — 2188.8 լարի
- Քվեմո Քարթլի — 2011.4 լարի
- Աջարիա — 1889.4 լարի
- Սամեգրելո-Զեմո Սվանեթի — 1587.9 լարի
- Շիդա Քարթլի — 1538.9 լարի
- Սամցխե-Ջավախեթի — 1520.8 լարի
- Իմերեթի — 1471.4 լարի
- Գուրիա — 1458.7 լարի
- Կախեթի — 1418.5 լարի
- Ռաճա-Լեչխումի և Քվեմո Սվանեթի — 1223.3 լարի
Նույն տվյալների համաձայն՝ 2026 թվականի 1-ին եռամսյակում ձեռնարկատիրական (բիզնես) հատվածում վարձու աշխատողների միջին ամսական աշխատավարձն աճել է 166.3 լարիով (7.7%) և կազմել 2 335.9 լարի։ Ըստ գործունեության տեսակների՝ ամենաբարձր աշխատավարձը գրանցվել է տեղեկատվության և կապի ոլորտում (4358.6 լարի, նախորդ տարվա նույն ժամանակահատվածի համեմատ աճել է 2.4%-ով) և պրոֆեսիոնալ, գիտական ու տեխնիկական գործունեության մեջ (3632.7 լարի, աճել է 6.8%-ով)։
