«Վրացական երազանք»-ի վարչապետ Իրակլի Կոբախիձեն հանդիպել է Շվեյցարիայի համադաշնության փոխնախագահ, արտաքին գործերի նախարար, ԵԱՀԿ գործող նախագահ Իգնասիո Կասիսին։
Մամուլի ծառայության հաղորդմամբ՝ կողմերը խոսել են Վրաստանի և Շվեյցարիայի միջև փոխադարձ հարգանքի և ընդհանուր արժեքների վրա հիմնված համագործակցության մասին՝ ինչպես երկկողմ, այնպես էլ բազմակողմ ձևաչափերում։
Ընդգծվել է քաղաքական, տնտեսական, ժողովուրդների միջև և խորհրդարանական կապերի զարգացման դրական դինամիկան։
«Վարչապետը շնորհակալություն է հայտնել Շվեյցարիայի համադաշնության միջազգայնորեն ճանաչված սահմաններում Վրաստանի տարածքային ամբողջականությանն ու ինքնիշխանությանը, նաև օկուպացված տարածքների չճանաչման քաղաքականությանն աջակցելու համար։ Հատկապես ընդգծվել է Շվեյցարիայի՝ որպես միջնորդի կարևոր դերը Վրաստանի և Ռուսաստանի միջև դիվանագիտական հարաբերությունների բացակայության պայմաններում։
Զրույցը վերաբերել է նաև ԵԱՀԿ գործող նախագահ Իգնասիո Կասիսի Վրաստան սպասվելիք այցին, որը նախատեսված է հոկտեմբերին։ Նշվել է, որ Վրաստանը մնում է ԵԱՀԿ կառուցողական և պատասխանատու մասնակից պետություն, որն աջակցում է երկխոսությանը և հարգում միջազգային իրավունքի սկզբունքները։
Հանդիպմանը, որը կայացել է ՄԱԿ-ի Գլխավոր ասամբլեայի 81-րդ նստաշրջանի շրջանակում, մասնակցել են փոխվարչապետ, արտաքին գործերի նախարար Մակա Բոճորիշվիլին, կառավարության աշխատակազմի ղեկավար Լևան Ժորժոլիանին և ՄԱԿ-ում Վրաստանի մշտական ներկայացուցիչ Դավիթ Բաքրաձեն»,- նշված է հաղորդագրության մեջ։
