«Վրացական երազանք»-ի վարչապետ Իրակլի Կոբախիձեն պաշտոնական այցով Ղրղզստանի Հանրապետությունում է։ Այս այցի մասին հայտնել է կառավարության լրատվական ծառայությունը։

Մասնավորապես, Ղրղզստանի Հանրապետության նախագահի պալատում տեղի կունենա Վրաստանի վարչապետի դիմավորման պաշտոնական արարողությունը։ Իրակլի Կոբախիձեին կհյուրընկալի Ղրղզստանի Հանրապետության նախագահ Սադիր Ժապարովը։

Նախատեսվում է առաջնորդների հանդիպում երկու երկրների կառավարության անդամների մասնակցությամբ, որից հետո տեղի կունենա փաստաթղթերի ստորագրման արարողություն։ Վրաստանի վարչապետը և Ղրղզստանի Հանրապետության նախագահը ԶԼՄ-ների համար հանդես կգան համատեղ հայտարարություններով։

Կոբախիձեն Բիշքեկ է մեկնել պատվիրակության հետ միասին, որի կազմում են փոխվարչապետ, արտաքին գործերի նախարար Մակա Բոճորիշվիլին, էկոնոմիկայի և կայուն զարգացման նախարար Մարիամ Քվրիվիշվիլին, շրջակա միջավայրի պահպանության և գյուղատնտեսության նախարար Դավիթ Սոնղուլաշվիլին և կառավարության աշխատակազմի ղեկավար Լևան Ժորժոլիանին։