Ազատազրկված ընդդիմադիր քաղաքական գործիչ Էլենե Խոշտարիան ասել է, որ իր փաստաբանի ճեպազրույցից հետո իր հետ կապ է հաստատել բանտի վարչակազմը և խոստացել, որ բուժման ծրագիր կմշակվի։
«Ճեպազրույցից հետո ինձ հետ կապ է հաստատել բանտի վարչակազմը։ Դեռևս որևէ կոնկրետ քայլ չի ձեռնարկվել, նաև հանդիպում չի եղել բուժող բժշկի հետ, բայց նրանք խոստացել են, որ կլինի։ Հենց որ իրական բուժման ծրագիրը կազմվի, իհարկե, ես կտեղեկացնեմ հանրությանը», — ասված է Էլենե Խոշտարիայի պաշտոնական ֆեյսբուքյան էջում։
Ըստ նրա՝ իր փաստաբան Շոթա Թութբերիձեն ճեպազրույցից հետո «անարդարացիորեն դարձել է ռեժիմի հարձակման զոհ»։
«Ես կցանկանայի ընդգծել, որ ես պատասխանատու եմ ճեպազրույցի ժամանակ Շոթայի ասած յուրաքանչյուր բառի համար։ Ես որևէ ցանկություն չունեմ ռեժիմի հետ որևէ քննարկման մեջ մտնելու», — գրել է նա։
