Իրակլի Կոբախիձեն հանդիպել է Իսրայելի արտակարգ և լիազոր դեսպան Հադաս Մեիցադին. վերջինս դիվանագիտական առաքելություն է իրականացնում Վրաստանում։
Հաղորդագրության համաձայն՝ հրաժեշտի հանդիպման ընթացքում վերստին ընդգծվել են Վրաստանի և Իսրայելի միջև առկա հարաբերություններն ու բարեկամությունը։
Կոբախիձեն շնորհակալություն է հայտնել դեսպանին երկկողմ հարաբերությունների հետագա զարգացման գործում ունեցած ներդրման համար և մաղթել հաջողություններ ապագա գործունեության մեջ։
«Հանդիպման ընթացքում անդրադարձ է եղել նաև Մերձավոր Արևելքում տեղի ունեցած վերջին զարգացումներին, և ընդգծվել է դիվանագիտական ջանքերի կարևորությունը երկարատև խաղաղություն և կայունություն ապահովելու համար», — ասված է հաղորդագրության մեջ։
Նշենք, որ Հադաս Մեիցադը կավարտի իր դիվանագիտական առաքելությունն այս ամռան վերջին։ Իսրայելի դեսպանի պաշտոնը նա զբաղեցրել է 3 տարի։
