Զբաղվածության խթանման պետական գործակալության նոր տնօրեն է նշանակվել Եկատերինե Սուրմավան։
Առողջապահության նախարարության հաղորդմամբ` նոր տնօրենին աշխատակիցներին է ներկայացրել Օկուպացված տարածքներից ներքին տեղահանվածների, աշխատանքի, առողջապահության և սոցիալական պաշտպանության նախարար Միխեիլ Սարջվելաձեն։
«Միխեիլ Սարջվելաձեն կենտրոնացել է գործակալության նորարարությունների, ապագա ծրագրերի վրա և մաղթել է գործակալության տնօրենին հաջողություններ հետագա գործունեության մեջ։ Նախարարը նշել է, որ Եկատերինե Սուրմավան ունի զգալի գիտելիքներ և բազմամյա փորձ միգրացիայի ոլորտում, որը կարևոր դեր կխաղա գործակալության գործունեության ամրապնդման գործում։
Միխեիլ Սարջվելաձեն շնորհակալություն է հայտնել գործակալության աշխատակիցներին արդյունավետ համագործակցության համար և նշել, որ զբաղվածության և աշխատանքային միգրացիայի ոլորտում ակտիվ աշխատանքը կշարունակվի նաև ապագայում։ Եկատերինե Սուրմավան ունի բազմամյա փորձ պետական ծառայության մեջ։ Նա տարիներ շարունակ զբաղեցրել է տարբեր պաշտոններ ՆԳՆ միգրացիայի վարչությունում», — ասված է հաղորդագրության մեջ։
