Եվրամիության ներկայացուցչությունը և անդամ երկրների դեսպանատները համատեղ հայտարարություն են տարածել` շնորհավորելով Վրաստանին Անկախության օրվա առթիվ։
«Եվրամիությունը և նրա անդամ երկրները սրտանց շնորհավորում են Վրաստանին Անկախության օրվա առթիվ։
Վրաստանն իր անկախությունը հռչակել է 1918 թվականի մայիսի 26-ին՝ դրանով իսկ հաստատելով ինքնիշխան և ժողովրդավարական պետականության մասին սեփական տեսլականը։ Անկախության հռչակագրի ոգին այսօր խոր արձագանք է գտնում վրաց հասարակության շրջանում։ Վրաստանի պատմության մեջ մենք տեսնում ենք Եվրոպայի հետ առավել սերտ կապերի մշտական ձգտում։ Վերջին երեք տասնամյակների ընթացքում Եվրամիությունը և նրա անդամ պետությունները կանգնած են Վրաստանի կողքին և մնում են հուսալի ու երկարաժամկետ գործընկերներ։
Ժողովրդավարական բարեփոխումների, օրենքի գերակայության և հիմնարար ազատությունների պաշտպանության ուղղությամբ առաջընթացը նախկինի պես էական է եվրոպական ճանապարհով առաջ շարժվելու համար։ Այս կարևոր օրը մենք վերահաստատում ենք Եվրամիության անսասան աջակցությունը Վրաստանի անկախությանը, ինքնիշխանությանը և տարածքային ամբողջականությանը՝ նրա միջազգայնորեն ճանաչված սահմաններում»,- նշված է հայտարարության մեջ։
