Վրաստանի պետական աուդիտի ծառայությունը հրապարակել է Վրաստանի կենտրոնական ընտրական հանձնաժողովի (ԿԸՀ)  2023-2024 թվականներին իրականացված ֆինանսատնտեսական գործունեության համապատասխանության աուդիտի հաշվետվությունը:

Փաստաթղթում խոսվում է այն թերությունների մասին, որոնք ի հայտ են եկել հետազոտության ժամանակահատվածում։ Դրանց թվում են հերթապահ ավտոմեքենաների հատկացման և վառելիքի ծախսի չափերի սահմանման գործընթացում առկա խախտումները:

«Ըստ ընդհանուր ծառայողական անհրաժեշտության պարտականությունների կատարման համար յուրաքանչյուր կոնկրետ հարցման դեպքում հաստատության կոնկրետ աշխատակցին հերթապահ ավտոմեքենաների հատկացումը ԿԸՀ-ում փաստաթղթավորված չէ։

Հերթապահ ավտոմեքենաների օգտագործումն ու հատկացումը տեղի է ունենում հեռախոսազանգի միջոցով (բացառությամբ գործուղումների մեկնելու դեպքերի)։

ԿԸՀ-ում աշխատակցին հերթապահ ավտոմեքենայի հատկացման գործընթացը փաստաթղթերով հաստատված չէ, ինչը չի համապատասխանում «Պետական ներքին ֆինանսական վերահսկողության մասին» օրենքի պահանջներին։

Մասնավորապես՝ ապահովված չէ հաստատության իրականացված գործառնության ամբողջական, ճշգրիտ, ժամանակին և կանոնավոր հաշվառումը, ինչը վերահսկողության թուլության հետևանք է»,- նշված է փաստաթղթում։