Վրաստանի հանրային պաշտպան (օմբուդսմեն) Լևան Իոսելիանին այսօր կանանց №5 հատուկ հաստատությունում այցելել է լրագրողներ Էլիսո Կիլաձեին և Մզիա Ամաղլոբելիին։
Օմբուդսմենի լրատվական ծառայության հաղորդագրության համաձայն՝ Լևան Իոսելիանին ծանոթացել է կին կալանավորների կենսապայմաններին, տեղեկություն ստացել նրանց առողջական վիճակի և իրավունքների պաշտպանության ոլորտում տիրող իրավիճակի մասին։
Օմբուդսմենը զրուցել է հաստատության վարչակազմի և կին կալանավորների հետ, զննել է բնակելի և ընդհանուր տարածքները, այդ թվում՝ մայրերի և երեխաների բաժանմունքը։ Կին կալանավորները հանրային պաշտպանի հետ զրուցել են իրենց տեղաբաշխման պայմանների և իրավունքների պաշտպանության վիճակի մասին։
«Հուլիսի 30-ին Վրաստանի հանրային պաշտպան Լևան Իոսելիանին այցելել է կանանց №5 հատուկ հաստատություն, հանդիպել և զրուցել հաստատության վարչակազմի ու կին կալանավորների հետ, զննել բնակելի և ընդհանուր տարածքները, այդ թվում՝ մայրերի և երեխաների բաժանմունքը։ Կին կալանավորները ժողովրդական պաշտպանի հետ զրուցել են իրենց տեղաբաշխման պայմանների և իրավունքների պաշտպանության վիճակի մասին։
Օմբուդսմենը նաև ծանոթացել է քրեակատարողական հիմնարկում գործող հոգեբանասոցիալական, կրթական և վերականգնողական ծրագրերին, այցելել է նորաբաց հրուշակեղենի արտադրամասն ու խանութը, տեղեկատվություն ստացել դատապարտյալների ներգրավվածության և վերականգնողական ուղղությամբ իրականացված միջոցառումների վերաբերյալ»,- ասված է հաղորդագրության մեջ։
