Վրաստանից չվերահսկվող Աբխազիայի դե ֆակտո արտգործնախարար Ինալ Արձինբան պատասխանել է Բելառուսի նախագահ Ալեքսանդր Լուկաշենկոյի Աբխազիա այցի վերաբերյալ վրացական կողմի հայտարարություններին։
Արձինբան նշել է, որ Լուկաշենկոյի այցի առնչությամբ երրորդ երկրների, օրինակ՝ Վրաստանի արձագանքը իրենց չի անհանգստացնում:
«Աբխազիայի Հանրապետությունը անկախ պետություն է, միջազգային իրավունքի սուբյեկտ և աշխարհաքաղաքական իրողություն։ Մենք Բելառուսը դիտարկում ենք որպես մեր արտաքին քաղաքականության կարևոր ուղղություն։ Նրանք մեր ընկերներն են»,- ասել է Արձինբան։
Ի դեպ, Բելառուսի նախագահ Ալեքսանդր Լուկաշենկոն Աբխազիա է ժամանել սեպտեմբերի 28-ին, Բիճվինթայի ամառանոցում նա հանդիպել է Աբխազիայի դե ֆակտո նախագահ Ասլան Բժանիայի հետ։
Վրաստանի արտաքին գործերի նախարարությունը դատապարտել է Ալեքսանդր Լուկաշենկոյի այցը Աբխազիա՝ որպես Վրաստանի պետական սահմանի խախտում և կոչ է արել Բելառուսին` հարգել ինքնիշխան պետության տարածքային ամբողջականությունը և չձեռնարկել գործողություններ, որոնք հակասում են միջազգային իրավունքի հիմնարար սկզբունքներին։
Լուկաշենկոն խախտել է Վրաստանի տարածքային ամբողջականությունը. միջազգային արձագանքներ
Բելառուսի նախագահի այցը Աբխազիա բացահայտ առճակատում է Վրաստանի հետ. կարծիքներ
Լուկաշենկոյի քայլը խախտում է Վրաստանի օկուպացված տարածքների մասին օրենքը. Ղարիբաշվիլի
Խստորեն դատապարտում եմ Լուկաշենկոյի այցն Աբխազիա. Զուրաբիշվիլի
