Վրաստանի վարչապետի Իրակլի Ղարիբաշվիլիի որոշմամբ՝ մարդասիրական օգնություն տրամադրելու համար Ուկրաինա կուղարկվեն գեներատորներ, հայտնում է Վրաստանի կառավարությունը:
«Վարչապետի որոշմամբ՝ ուկրաինացի ժողովրդին մարդասիրական օգնություն տրամադրելու համար գեներատորներ են ձեռք բերվելու։
Հանձնարարվել է Էկոնոմիկայի և կայուն զարգացման նախարարությանը՝ հնարավորինս սեղմ ժամկետներում կատարել նշված խնդիրը»,- նշված է գործադիրի տարածած հաղորդագրության մեջ։
Կառավարության վարչակազմի ղեկավար Ռևազ Ջավելիձեի խոսքով, պատերազմի սկզբից ի վեր Վրաստանի կառավարությունը երբեք իր հնարավորությունների սահմաններում չի անտեսում ուկրաինացի ընկերներին։
Ի դեպ, Վրաստանում Ուկրաինայի դեսպանատունը դեկտեմբերի 6-ին հայտնել էր, որ մեկ ամիս առաջ դիմել են Վրաստանի կառավարությանը՝ գեներատորների ու տրանսֆորմատորների հարցում օգնության խնդրանքով, բայց դեռ պատասխան չեն ստացել։
Վրաստանն Ուկրաինային տրանսֆորմատորների հարցում չի օգնում. դեսպանատուն
