Վրաստանի վիճակագրական ազգային ծառայության («Grostat») նախնական գնահատմամբ՝ 2026 թվականի մայիսին, նախորդ տարվա նույն ժամանակահատվածի համեմատ, իրական համախառն ներքին արդյունքի (ՀՆԱ) աճը կազմել է 6.4%, իսկ 2026 թվականի առաջին հինգ ամսվա միջին ցուցանիշը սահմանվել է 7.8%։

Geostat-ի տվյալներով՝ Վրաստանի մասնավոր հատվածի, այսինքն՝ ԱԱՀ վճարող ընկերությունների շրջանառությունը կազմել է 15.7 միլիարդ լարի, ինչը տարեկան կտրվածքով աճել է 8.7%-ով։ Տնտեսության ճյուղերից աճ է արձանագրվել գրեթե բոլոր ուղղություններով, սակայն անկում է նկատվում շինարարության ոլորտում։

«2026 թվականի մայիսին, նախորդ տարվա նույն ժամանակահատվածի համեմատ, աճի ուղղությամբ զգալի ներդրում են ունեցել հետևյալ ճյուղերը՝ ֆինանսական և ապահովագրական գործունեություն, տեղեկատվություն և կապ, մշակող արդյունաբերություն, տրանսպորտ և պահեստավորում։ Անկման միտում է գրանցվել շինարարության հատվածում»,- նշված է տեղեկության մեջ։