Հայաստանի կրթության, գիտության, մշակույթի և սպորտի նախարարությանն առընթեր պատմամշակութային ժառանգության պահպանության ծառայության տեղեկատվության համաձայն՝ «Ամբերդ ամրոց» պատմամշակութային արգելոցում ընթացող վերականգնողական աշխատանքների ժամանակ հայտնաբերվել է Թամար թագուհու դարաշրջանի բացառիկ արժեք ներկայացնող մետաղադրամ։
Թամար թագուհու մետաղադրամը, հնագետների գնահատմամբ, կրկին վկայում է Հարավային Կովկասում միջնադարյան դարաշրջանի պատմական ու մշակութային կապերի մասին։
«Ամբերդ ամրոց» պատմամշակութային արգելոցում հնագիտական աշխատանքները շարունակվում են։ Հետազոտողները հույս ունեն, որ նոր բացահայտումները կնպաստեն միջնադարյան կարևորագույն ամրոցներից մեկի պատմության ավելի լավ ուսումնասիրմանը։
(Լուսանկարները՝ ՀՀ ԿԳՄՍ նախարարության Պահպանության ծառայության ֆեյսբուքյան էջից)
