«Թրանսփարենսի Ինթերնեշնլ — Վրաստան» կազմակերպությունը (TI) հրապարակել է բարձր մակարդակի կոռուպցիայի ենթադրյալ դեպքերի թարմացված ցանկը։

«Թրանսփարենսի Ինթերնեշնլ»-ի տեղեկատվությամբ՝ 2026 թվականի հուլիսի 30-ի դրությամբ հաշվառված է էլիտար կոռուպցիայի 340 ենթադրյալ դեպք, որոնց թվում կա «Վրացական երազանք»-ի ավելի քան 283 գործող կամ նախկին բարձրաստիճան պաշտոնյա․ նրանց թվում՝ կառավարության 42 անդամ, 58 պատգամավոր, 20 դատավոր և մունիցիպալ մակարդակի 81 բարձրաստիճան պաշտոնյա։

««Թրանսփարենսի Ինթերնեշնլ — Վրաստան»-ը շարունակում է համակարգված տեղեկատվություն ի մի բերել բարձր մակարդակի կոռուպցիայի հնարավոր խախտումների վերաբերյալ, որոնց մասին հայտնի է դարձել վերջին տարիներին։ Մեր նպատակն է ստեղծել բարձր մակարդակի կոռուպցիայի ենթադրյալ դեպքերի պարբերաբար թարմացվող կատալոգ, որը հնարավորություն կտա հետևելու այս խախտումներին և գնահատելու բարձր մակարդակի կոռուպցիայի մասշտաբը», — հայտարարել է «Թրանսփարենսի Ինթերնեշնլ»-ը։