Մեծ Բրիտանիան պատժամիջոցներ է սահմանել Նիկոլոզ Մժավանաձեի, Մամուկա Ֆիֆիայի, Պաատա Աբուլաձեի և Գիորգի Իրեմաձեի նկատմամբ։ Բրիտանիայի կառավարության հայտարարության համաձայն՝ այս անձինք պատժամիջոցների են ենթարկվում Կրեմլի ապատեղեկատվությունը տարածելու համար։
Այսօր՝ հոկտեմբերի 1-ին, Մեծ Բրիտանիան հայտարարել է Ռուսաստանի դեմ պատժամիջոցների նոր փաթեթի մասին, որի նպատակն է Ռուսաստանի վրա ճնշման ուժեղացումը։
Պատժամիջոցների ենթարկված Վրաստանի քաղաքացիների համար սահմանված սահմանափակումները ենթադրում են ակտիվների սառեցում և Մեծ Բրիտանիա ճանապարհորդելու սահմանափակում։
«Այսօրվա փաթեթը ներառում է յոթ ֆիզիկական անձի, այդ թվում՝ Վրաստանի չորս քաղաքացու, որոնք մասնակցում են Կրեմլին աջակցող ապատեղեկատվության տարածմանը՝ սկսած Ռուսաստանի կողմից Ուկրաինայի տարածքի օկուպացիայի օրինականացումից, վերջացրած օկուպացված Հարավային Օսիայում Ռուսաստանի նշանակված իշխանությունում ծառայելով», — նշված է Մեծ Բրիտանիայի կառավարության հայտարարության մեջ։
