Վրաստանի Հիվանդությունների վերահսկման ու Հանրային առողջապահության ազգային կենտրոնի տնօրեն Ամիրան Գամկղրելիձեն այսօր հայտնել է, որ հաճախ ֆիլլեր (կոսմետիկ միջոց, որ կիրառվում է շրթունքի ծավալի մեծացման կամ կնճիռների հարթեցման համար) օգտագործող անձինք, հնարավոր է, պատվաստվելուց հետո բարդություններ ունենան:
Ըստ վարակաբանի` Pfizer տեսակի պատվաստանյութով պատվաստվելուց առաջ բժիշկը հարցնելու է՝ արդյո՞ք պացիենտը կիրառել է ֆիլլեր:
«Նրանց մոտ, ովքեր հաճախ են կիրառում ֆիլլեր, կոնկրետ Pfizer պատվաստանյութով պատվաստվելուց հետո հնարավոր է տեղային բարդացումներ նկատվեն»,- հայտարարել է Գամկղրելիձեն:
