2026 թվականի հուլիսին լարին դոլարի նկատմամբ ամսական կտրվածքով ամրապնդվել է 0.7%-ով։ Galt & Taggart ներդրումային բանկի ամենշաբաթյա տնտեսական վերլուծության մեջ նշված է, որ ազգային արժույթի ամրապնդումն ապահովում են մի քանի հիմնական գործոններ։
Մասնավորապես, լարիի ամրապնդմանը նպաստել են կայուն արտարժութային ներհոսքերը և ավանդների ապադոլարայնացման (դեդոլարիզացիայի) գործընթացի արագացումը, ինչը վկայում է ազգային արժույթով խնայողությունների նկատմամբ պահանջարկի աճի մասին։
«Հուլիսին լարին ԱՄՆ դոլարի նկատմամբ ամսական կտրվածքով ամրապնդվել է 0.7%-ով, ինչին նպաստել են կայուն արտարժութային ներհոսքերը և ավանդների ապադոլարայնացման արագացումը։ Զուգահեռաբար շարունակվել է պահուստների կուտակումը, որի շրջանակներում Ազգային բանկը գնել է 612.6 միլիոն դոլար»,- նշված է Galt & Taggart-ի վերլուծության մեջ։
