Գնահատման և քննությունների ազգային կենտրոնի հաղորդմամբ՝ կրկնական ընդունելությունը (ընդունելության երկրորդ փուլը) սկսվում է այսօրվանից։
Կենտրոնի փոխանցմամբ՝ սեպտեմբերի 14-ի ժամը 11:00-ից մինչև սեպտեմբերի 18-ի ժամը 18:00-ն դիմորդները հնարավորություն կունենան մասնակցելու կրկնական ընդունելության գործընթացին և ընտրելու իրենց ցանկալի քանակի կրթական ծրագրեր։
Քննությունների ազգային կենտրոնը հայտնել է, որ կրկնական ընդունելության համար ծրագրերի ընտրության գործընթացում դիմորդներին կօգնի Գնահատման և քննությունների ազգային կենտրոնի թարմացված «Տեղեկատու դիմորդների համար» էլեկտրոնային բուկլետը։
«Տեղեկատուում ներկայացված է մանրամասն տեղեկություններ բարձրագույն և մասնագիտական ուսումնական հաստատությունների կրթական ծրագրերի ու դիմորդների ընդունելության տեղերի մասին։
Ծրագրերն ընտրելու համար սեպտեմբերի 14-ից մինչև սեպտեմբերի 18-ը ներառյալ դիմորդը պետք է այցելի գրանցման պորտալ՝ www.online.naec.ge, ընտրի «Միասնական ազգային քննություններ — կրկնական ընդունելություն» գովազդային նշանը, հաստատի իր ինքնությունն անձնական համարով ու արդեն առկա գաղտնաբառով, ապա ընտրի ցանկալի կրթական ծրագրերը։
Ծրագրերն ընտրելիս կարևոր է, որ դիմորդները հաշվի առնեն․
• Յուրաքանչյուր առարկայի համար ուսումնական հաստատության սահմանած նվազագույն իրավասության (կոմպետենցիայի) շեմը․
• Կրթական ծրագրում առկա տեղերի քանակը․
• Ծրագրի ուսման վարձը․
• Քաղաքը, որտեղ իրականացվում է կրթական ծրագիրը։
Դիմորդները պետք է ընտրեն ցանկալի քանակի բակալավրիատի և մասնագիտական կրթական ծրագրեր՝ 2026 թվականի Միասնական ազգային քննությունների արդյունքների հիման վրա»,- նշված է հաղորդագրության մեջ։
Կրկնական ընդունելությանը մասնակցելու իրավունք ունեն հետևյալ դիմորդները․
• 2026 թվականի Միասնական ազգային քննություններին յուրաքանչյուր առարկայի համար սահմանված նվազագույն իրավասության շեմը հաղթահարողները, որոնք չեն ընդունվել (տեղ չեն ստացել)․
• 2026 թվականի Միասնական ազգային քննություններին յուրաքանչյուր առարկայի համար սահմանված նվազագույն իրավասության շեմը չհաղթահարողները, որոնք, սակայն, հաղթահարել են մասնագիտական կրթական ծրագրերի համար սահմանված նվազագույն իրավասության շեմը։
