Եվրամիության արտաքին գործերի նախարարների խորհրդի նիստում, որը տեղի կունենա հոկտեմբերի 12-ին Լյուքսեմբուրգում, այլ հարցերի թվում կքննարկվի նաև Վրաստանի հարցը․ տեղեկատվությունը տեղադրված է Եվրամիության պաշտոնական կայքում։
«Ընթացիկ հարցերի շրջանակում խորհուրդը կքննարկի Վրաստանում տիրող իրավիճակը», — նշված է մամուլի հաղորդագրությունում։
Հանդիպումը կգլխավորի արտաքին գործերի և անվտանգության քաղաքականության հարցերով Եվրամիության բարձր ներկայացուցիչ Կայա Կալասը։
Մամուլի հաղորդագրությունում նշվում է, որ Եվրամիության անդամ երկրների արտաքին գործերի նախարարները կքննարկեն Ուկրաինայի դեմ Ռուսաստանի ագրեսիվ պատերազմը և հիբրիդային գործողությունների արշավը, որն ուղղված է Եվրամիության և նրա անդամ պետությունների դեմ ու գնալով ավելի է սրանում։ Քննարկումը կվերաբերի Ռուսաստանի կողմից հիբրիդային գործողությունների ակտիվացմանը Եվրամիության արձագանքին, ինչպես նաև Ուկրաինային աջակցելու և Ռուսաստանի վրա ճնշում գործադրելու հարցերին։
Քննարկումից առաջ նախարարները մտքեր կփոխանակեն ուկրաինացի պաշտոնակից Անդրեյ Սիբիգայի հետ։
Խորհուրդը կքննարկի նաև Մերձավոր Արևելքում տիրող իրավիճակը Իրանում տեղի ունեցած վերջին զարգացումների ֆոնին, հատկապես նավագնացության ազատության հարցը։
Բացի այդ, նախարարները մտքեր կփոխանակեն Ղազայում և Հորդանան գետի արևմտյան ափին տիրող իրավիճակի շուրջ։
